خليك واقف

كل ما تكون واقف اعرف انك واقف لنفسك ، عمر ما حد هيسند طهرك اكتر من واقفتك لنفسك ، لو احتاجت احتاج نفسك ، لو انكسرت ، داوى نفسك بنفسك ، انتا بوابه نفسك ، مهما كان الكسر جامد ، انتا اجمد ، انتا بس اللى تقدر تقول لكل كسر أنه له عندك جبيره ، كل صرخة ألم كل تعب كل وجع ، لازم له وقت وينتهى ، وكل ما كنت موجوع ، اعرف أنه نهايته قربت ، اوعى الوجع يكسرك ، خلى الوجع طريق ليك ، تعرف بيه نفسك ، تعرف قد ايه نفسك ليك سند ، وكل ما تحس انك خلاص مش قادر ، افتكر أنه أهل الباطل بباطلهم متمسكين ، انت أولى منهم ، انت من اهل الحق ، اوعى تسيب لنفسك فرصه توقع ، لانه لو وقعت ، صعب اوى تقوم ، بس افضل واقف ، أسند ، بس اياك تقعد ، ولو قعدت خليها لنفسك عشان تقولها انك قادر تقوم ، تعلمها ازاى تقوم ، بس اوعى تقع انكسار أو هزيمه ، محدش يقدر يهزمك لو انتا قادر على نفسك ، خليك واقف ، فى وقوفك عزتك ، قوتك ، محنه عدوك ، ومنحه من ربك ، توكل عليه ، خليك تعلى بعد الوقوف , خلى كل وقوف ليك فى مكانه أعلى وكل خطوه لحته أعلى ، خليك باصص لفوق ، خليك واقف اوعى تنكسر