طرق بسيطة لادخار الأموال دون الشعور بالحرمان

م . محمد توفيق -

كيفية ادخار المال : 10 طرق ذكية وبسيطة


لا تنسى الإشتراك فى ميون تون : قناة يوتيوب معلومات شيقة فيديوهات قصيرة

ناس كتير بتشتكى من ثبات الأجور وزياده تكاليف المعيشة خاصة السكن والماكل والملبس والعلاج ، كل ده خلى من الصعب جدا  توفير فلوس ، ولو بتعرف توفر فلوس من مرتبك ، او مبتعرفش تعالى معانا نقولك على ١٠ طريقة تدعم بيها قدرتك على التوفير مش بس لفترات قصيرة انما كمان لفترات أطول .

١- عمل ميزانية

إقرأ أيضاً : جريمة قتل .. نهاية الفراعنة

عمل ميزانية هو اول خطوه على المسار الصحيح لتوفير الفلوس ، عمل ميزانية يتحدد فيها أولوياتك ونفقاتك كاملة يخليك قادر انك تشوف الموضوع من زاوية احسن .

يعنى تقدر تعرف مرتبك كام و تبدء توزع مرتبك على مصروفاتك من فواتير أو ايجارات او مسكن أو متطلبات معيشية ، بعد كده تقدر تخصم مصروفاتك من دخلك .

اذا كنت يتصرف اكتر ما تتقاضى ، فدى هتبقى مشكلة كبيرة ، بس بوجود ميزانية تقدر تكشف اللى ملوش أهمية أو ملوش أولوية ، وبكده تقدر تتجنبه .

الميزانية مش شئ ثابت ، بل على العكس هى محتاجه تتحدث كل ٦ شهور على الأقل طبقا للمتغيرات فى الدخل ( علاوة أو وظيفة إضافية ) أو النفقات ( تغير سكن أو ملابس أعياد أو سفر ) .


٢- تعقب نفقاتك


دائما بنعتقد أنه صعب جدا تعقب نفقاتك خاصة أنه بنعتقد أنه نفقاتنا دائما بتروح على الالحاجات الكبيرة ، رغم أنه الحقيقة الحاجات الصغيرة هى اكتر حاجات بتاكل الفلوس ، عشان كده من المهم جدا أنه تعمل دفتر لتتبع نفقاتك اليومية .
وجود الدفتر ده هيمنعنا من العمليات الشراء الغير محسوبه واللى دائما بتحصل بسبب دافع عاطفى . 


٣-الالتزام بدفع الديون فى وقتها فيزا الديون



إقرأ أيضاً : أوكرانيا ... ساحة حرب روسية امريكية

نظرا لارتفاع الفائده على الأموال المسحوبة بفيزا الائتمان ( فيزا الديون) ومع وجود مغريات وجود الأموال فيها دائما ، ومع الاستخدام العاطفى المتهور ليها ، كل ده بيخلى التوفير صعب .

الطريقة الأمثل هى دفع الديون فى وقتها المحدد عشان غرامات التأخير وفوائد الاستحقاق على التاخير متتطبقش عليك . 
دائما ابحث عن أفضل فيزا للدين مع طريقة بوجود خصومات عالية عند استخدامها أو برنامج استرداد المكافأة استرداد نقدى وكل شهر اسحب الفلوس دى وادخلها فى حساب توفير .

من هنا ممكن تكون الفيزا افضل طريقة للتوفير إذا أحسنت استخدامها مع الالتزام بتسديد الدفعات الشهرية كاملة.

٤- عمل حساب توفير

كل الأموال اللى تم إدخارها تقوم بتحويلها إلى حساب توفير وده كله ليسهل من توفير الأموال ، و ده بيصفى مدخراتك شهر بشهر وبيسهل انفاق المال المحدد فى الوقت المخصص له .

اذا كان مثلا مرتبك ٤٣٢٠ مثلا ، تقدر تحول ٣٢٠ جنيه لحساب التوفير فى أول الشهر واعتبار مرتبك ٤٠٠٠ جنية وده هيساعدك على وجود أموال للطوارئ .

٥- التركيز على النفقات المتكررة

من المعروف أن النفقات الصغيرة هى أكثر الاستهلاكا للمرتب بس لازم تبقى عارف أنه النفقات الكبيرة تظل كبيرة وبالتالى لو نجحت فى تجنبها لمرة واحده كل كام شهر ، وبالتالى ادخارها ، هتكون فرصة كبيرة لإنعاش مدخراتك وبشكل قوى .

٦- تحكم فى دوافعك العاطفية لصرف المال

كتير مننا مع وجود فيزا الديون وفيزا المرتب والشراء الاونلاين وكثرة المنتجات اللى سهل جدا البائع يحاول يقنعك أنها ضرورية على الرغم من عدم ضروريتها على الاطلاق ،بيقع ضحية سهلة لعمليات الاغراء للشراء .

 وعشان تتجنب الدوافع العاطفية اللحظية دى تقدر تدى نفسك يوم على الأقل للتفكير فى مدى جدوى هذه البضاعة ، وإذا وجدت أنه منفعتها العملية قليله زى مثلا انك مش محتاج خلاط تانى لان اصلا عندك خلاط ، ساعتها هتقدر تتجنب هذا اللحظات العاطفية .

٧- سهل فواتيرك

اذا كان عندك اى التزامات ولابد من سدادها شهريا أو نصف شهرية أو نصف سنويه ، الافضل هو دفعها بشكل اسبوعى على قيم اصغر من قيمتها الاصليه لتسهيل الصدمه عند تسديد الفاتورة الاكبر وبكده مش هتحس بقيمه الفاتورة الاكبر .

من الممكن أيضا بتدوين ( التدوين ورقيا )  النوع ده من الأموال وجميعهم بشكل ينور يسهل فى جدوله الانفاق العام وبالتالى تسهيل فكرة الادخار .

٨- خطط لوجباتك


إقرأ أيضاً : كرة القدم و العلم

خبراء المال بيقولوا أنه تخطيط الوجبات اسهل طريقة لتوفير المال .

اذا عرفت انتا هتاكل ايه الاسبوع ده واتسوقت مسبقا فده هيخليك تتجنب الزيارات المفاجئه والعشوائية للسوبر ماركت أو السوق وبالتالى  هتقلل انفاق المزيد من المال ويقلل أيضا إهدار الطعام .
مثلا مع القدرة على توفير ٦٠ جنية اسبوعيا بالطريقة دى ، تقدر توفر سنويا أكثر من ٣٠٠٠ جنية .

٩- كن عميل بلا ولاء 

إقرأ أيضاً : تفكك أوروبا ... بداية النهاية

اذا كنت من الناس اللى متعوده تشترى خدمه معينه من مكان معين ، الكلام ده ليك .
التجار فى الحاله دى هيستغلوا ولائم ضدك مع عرض بضائع عليك بسعر مبالغ فيه عن السوق أو خامات رديئة و مع عدم معرفتك بمجريات السوق هيكون من السهل استنزاف مالك .
لا تسمح ابدا بوجود اتصال عاطفى بينك وبين مؤدى الخدمة ليك مع التلويح دائما بمعرفتك بمجريات الاسعار هيخلى التاجر دائما خايف من أنه يخسرك وبالتالى هيقدملك سعر عادل بخامات افضل .
تأكد دائما من قدرتك على استبدال التاجر أو العلامه التجارية هو سلاحك ضد جشع التجار واستغلالهم .

١٠- تجنب عقلية الفقر

كتير من الناس تعتقد أنه التوفير هو سبيلهم الوحيد للاستقلال المادى ، بس اللى لازم تعرفه أنه الادخار لوحده غير كافى ، انما هو اول الطريق ، الافضل دائما هو التركيز على وسائل أخرى للكسب والاستثمار الأمن .


تعليقات

إرسال تعليق