رولز رويس ... الإفلاس و العودة 

الأزمة الأخيرة بين أستراليا وفرنسا بسبب صفقة الغواصات اللي تم الغاؤها ، فرنسا زعلت من امريكا عشان اخذوا الصفقة منهم ، بسبب الازمة دي ارتفع سعر أسهم شركة رولزرويس 4 % السؤال الاهم ايه علاقه رولز رويس بالغواصات النووية ؟
بص يا سيدي رولز رويس شركه عملاقة بتنتج كل انواع المحركات ( السيارات والطائرات والغواصات والسفن الحربية وانظمه القطارات و المفاعلات النووية ) الشركة إنهارت بسبب قرار واحد غلط سنه 1971 وعليه الشركة خسرت مكانتها كشركة عملاقة وخسرت موظفين و مهندسين و بسبب حدوث كوارث داخل الشركه اضطر معاها البرلمان البريطاني ان يدخل في محاولة لتصحيح أوضاع الشركة ، ولوجود اكثر من 80,000 عامل على حافه التسريح الا إن كل محاولات احتواء الكارثة فشلت ، لان على شهر فبراير 1971 رولزرويس أعلنت إفلاسها وتم تصفيتها و دخلت تحت الحراسة القضائية وكنتيجة الشركة الأم تخسر قسم السيارات الفخمة اللى لسا موجود لحد النهاردة ، وعلى الرغم من ده ، معجزة حصلت طب هي ايه المعجزه ؟ وهل الشركه هتقدر تقوم ؟ و ازاي قدرت تكون هى محور صفقة الغواصات النووية ؟ وازاى بقت واحدة من أهم عمالقة التسليح في العالم كله؟

زي ما قلنا في المقال السابق ( صعود العلامه البريطانيه رولزرويس )على الرغم من نجاح رولزرويس في بناء المحركات إلا أن برده محرك هيكون سبب فشلها وسقوطها ، طب ايه حكايته ؟ و ازاي الشركه خسرت قطاع تصنيع السيارات الفاخره ؟

أثناء الحرب العالمية الثانية صناعة الطائرات حصل فيها تقدم رهيب ، شركات كثير الحرب كانت سبب قيامها و إزدهارها بس مع نهاية الحرب الشركات دى وجهت شوية أسئلة زى وبعدين ؟ ايه اللي جاي ؟ هنعمل ايه ؟ الجواب كان تحويل افكار الطيارات الحربيه لطيران تجاري وملاحة دولية لنقل البشر والبضائع ونكسب ونرجع للمجد ثاني بس التكلفة كانت عالية جدا ، خلت اسعار تذاكر الطيران غالية جدا جدا وده منع الناس من استخدام وسيلة النقل الجديدة ( الطيران المدني ) وده اللي دفع الشركات لتصنيع وتطوير طائرات اكبر بمحركات اكبر لحمل عدد اكبر من المسافرين وعلى رأس الشركات دي شركات امريكيه زي ( بوينغ و ماكدونالدز دوغلاس ولوكهيد مارتن ) الشركات دى بتحط وبتصمم الطائرات الجديدة ، بس بناء محركات الطائرات مش اختصاصها . وهنا تظهر الشركات المتخصصه في صناعه المحركات زي شركات جنرال اليكتريك الامريكية و برات ويتني الامريكيه و رولز رويس الانجليزية ، بعد الحرب الشركات كان بينها تنافس قوي للفوز بعقود تصنيع محركات الطائرات ، بس الحقيقة أنه شركه رولزرويس واجهت سوء حظ كبير جدا فمثلا محركها RB178 اللي  تم تطويره وهندسته ساعتها عشان طيارة بوينج 747 تم رفضه واستبداله ، ساعتها رولزرويس قالت انهم مكملين في تطوير وهندسة النوع ده من المحركات .

إقرأ أيضاً

: قصة صعود بى ام دبليو

في الستينيات رولز رويس بدأت مع محرك جديد  إتسمى وقتها RB211  ورقيا و نظريا هيعمل ثورة جديدة في صناعة المحركات لأنه يتميز
١- خفه الوزن.
٢- توفير الوقود. 
٣- قوه دفع تصل 42,000 رطل. 
 كل ده ومع استخدام ماده الكربون فايبر لأول مرة في تصنيع شفرات المحرك كان المفترض أنه هو المحرك اللى هينقل رولز رويس لمكانة ثانية خالص ، بس للأسف مش ده اللي حصل . المحرك الجديد و بقياده المهندس ادريان لومبارد واحد من عباقره هندسه الطيران في انجلترا وقتها ومعه ميزانيه مفتوحه من رولز رويس ولكنها وبرغم بزخها الا انها تظل صغيرة مقارنة بالاموال اللى بتصرفها الشركات الأمريكية على محركاتها ، رولز رويس كانت بتصرف من جيبها الشخصي وعلى حسب ميزانيتها . في الوقت ده اوروبا اتحدت فى شركة Airbus والبداية من الطيارة A300 و اللي كانت تحتاج محرك بقوه دفع 47500 رطل ، رولز رويس ضغطت على الحكومه البريطانيه للضغط على الدول الاوروبيه لقبول محرك من رولز رويس كمصنع للمحرك له ومن هنا رولز رويس ، المشروع اللى محركه هيطلق عليه اسم RB211 . ولاول مره رولزرويس تكون شغاله على محركين في نفس الوقت وده هيستنزف فلوس كثير جدا ، ومع محرك الاربي RB211 نلاقي شركه رولز رويس تروح للشركات الامريكيه فى محاولة لتسويقه لتأمين الفلوس اللازمة للمشروع ، وبالفعل شركة لوكهيد مارتن كانت شغاله على طياره TriStar ( طائره عملاقه بتنافس طائرات البوينج 747 و macdonell dc 10 ) ، TriStar فيها 400 راكب وبمدى 7400 كيلومتر اللى هو كان وقتها تحدي ضخم ، فالطيارة المفروض هيتركب عليها ثلاث محركات من رولزرويس RB211. سنه 1968 شركه رولز رويس وشركه لوكهيد مضوا عقد انه رولز رويس هتسلم 150 محرك على سبتمبر 1971 مع تثبيت أسعار اول 600 محرك منها ومن هنا بدات المشاكل ، طب ليه ؟ وايه اللى حصل بعدها ؟

إقرأ أيضاً

: أستراليا و الصين ... حرب تايوان

على منتصف 1966 رولز-رويس ادركت انها في ورطه كبيره فالمحرك كان اكبر من مخيلتهم لان التطوير ما كانش على أجزاء بسيطة ، إنما تطوير على كامل المحرك وكمان أول مرة ينتجوا محرك بالضخامة دى وبالتالى هيحتاج وقت أكبر وفلوس أكثر عشان ينجحوا فى تصنيع الماكينات اللي هتصنع القطع الجديده المستخدمة في المحرك الجديد كل ده أدى لفوضى مرعبه داخل الشركه . وبالفعل ظهر اول نموذج للمحرك ده في منتصف 1969 وكانت النتائج سيئه جدا فكان 
١-استهلاكه للوقود مرتفع جدا .
٢-قوة دفع لا تتخطى 35,000 رطل.
٣-حدوث تسريب زيت.
٤-شفرات المحرك الجديده كانت وجع قلب بجد الشفر’ المعمولة من ماده الكربون فايبر - الماده الجديده القويه جدا - سببت مشاكل كثيرة جدا عند اختبار المحرك و من اهم الاختبارات اختبار الطيور وهو واحد من أهم الاختبارات اللي بتواجه المحركات لانه احيانا محركات الطائرات بتواجه طيور اثناء الطيران متسببه كوارث ، الاختبار اللى كان عباره عن تشغيل المحرك وقذف فراخ بداخله ، الإختبار تحول لكارثة لما الشفرات إنهارت وإنهار معاها المحرك ، وهنا شركه رولز رويس اعلنت انها هتستخدم شفرات من التيتانيوم ، ولكن التيتانيوم محتاج طريقه خاصة لتصنيعه ومحتاج دراسات ووقت وفلوس اكثر و كل ده معناه صعوبة في التصنيع خلال الوقت والمال المتوفر بالإضافة للكوارث دي توفي المهندس العقبقرى ادريان لومبارد قائد المشروع والوحيد فى رولز رويس القادر على حل النوع ده من المشاكل .

إقرأ أيضاً

: كذبة الجمعة البيضاء , قال تخفيضات قال !!

والكارثة الثانيه لما بريطانيا أعلنت انسحابها من المشروع الأوروبى الخاص بالطائرة A300 عن محرك الرولز رويس RB207 وده معناه أنه رولزرويس خسرت كل الاموال اللي اتصرفت على المحرك ده سواء كان تطوير أو تصميم أو تصنيع. سنه 1970 رولز وويس ادركت انها في ازمه وخصوصا بعد عدم قدرتها علي سداد مرتبات الموظفين والموردين ، كارثة استدعت تدخل الحكومه البريطانيه فالكلام عن 80 الف موظف بيعملوا في رولز رويس او مرتبطين باعمال معها دلوقت ، الحكومه البريطانيه تدخلت قدمت معونات وتدخلت فى اداره الشركه ولكن كل ده بدون اي نتائج حقيقيه وعليه في 4 فبراير 1970 تدخل رولزرويس تعلن إفلاسها وتدخل تحت الحراسة القضائية و بسرعه شديده الحكومه البريطانيه أعلنت تأميم الشركه للسيطره على أصول الشركه خوفا من سيطرة الدائنين الاجانب على أصول رولزرويس الحيويه. شركه رولز رويس بيتصنع اهم واكثر المحركات حساسيه لعصب الجيش البريطاني وقتها ، فمساله الامن القومي استدعت التدخل الحكومي فورا ، وعليه الحكومه أسست شركه جديده تحمل اسم رولزرويس واشترت أصول الشركه القديمه المفلسة وباعت الاقسام المربحه الغير مهمهة للأمن العام البريطاني ومن هذه الاقسام قسم السيارات اتباع لشركه Vickers وفي عام 2002 اصبح ملك BMW بعد حرب ضروس بين BMW و فولكس فاجن على من يمتلك علامه رولز رويس الانجليزيه . 

إقرأ أيضاً

 : الأمريكان سبب غلاء الأسعار 2022 طب ازاى ؟

الحكومه البريطانيه قررت إغلاق مشروع RB211 وانهاء الصفقه مع شركه لوكهيد مارتن وهنا تحصل المعجزة فقبل الاعلان عن إلغاء الصفقة ، رئيس شركه رولز رويس و في محاوله اخيرة منه قبل التأميم ، طلب ارجاع راجل اسمه استانلي هوكى رولز رويس وهو كان مهندس عبقري احيل للمعاش من سنوات وف ظل الازمه تم اللجوء له فى محاولة اخيرة لانقاذ هذا المحرك و إنقاذ رولز رويس معاه وهو استعان وقتها بكل الكوادر القديمه واللى كانوا مديرين بالشركه من 35 سنه زى السير لفظى وارثر اوبرا ، ودول كانوا مهندسين إتربوا على يد العبقري هنري رويس مؤسس رولز رويس وبرغم تجاوزهم سن 70 الا انهم وافقوا للعوده سريعا ، وتم الاستعانة بكل المهندسين العباقره في اي مشروع اخر داخل رولزرويس و تكون فريق كبير جدا لحل مشكله محرك RB211 تدريجيا وفي اقل من سنه تم انقاذ المحرك والشركه كلها ، حتى انهم وصلوا بقوه الدفع 50,000 رطل . وبكده ادركت الحكومه ان لابد من الاستفاده من هذا المحرك و إعطاء فرصة جديده له والاستفادة من الاموال المصروف عليه ومن هنا الحكومه بدات تفاوض شركه لوكهيد على الصفقه كصفقة جديده بشروط جديدة وهي كالتالي 
١- عدم دفع شروط جزائيه على الصفقه القديمه. 
٢- تعديل الاسعار فالزياده في اسعار المحرك تتحملها الشركتان والزياده كانت ,230,000 جنيه استرليني لكل محرك تتحمل رولزرويس منهم 125,000 ولوكهيد تتحمل 105,000 فتم الاتفاق خاصه ان شركه لوكهيد كانت مجبره على التفاوض خاصة أنها كانت تواجه شبح الإفلاس بسبب مشروع TriStar وكانت الطائره هي الامل الوحيد فى إصلاح مسار الشركة ، وبالتالى شركة لوكهيد كانت لا تمتلك رفاهيات الاختيار ولا المال ولا الوقت فى حالة المفاوضة مع شركات جديدة غير رولز رويس .... وتم الاتفاق. تم الانتهاء من تصنيع المحركات فى 4 ابريل 1972 و في 26 ابريل تم تركيب المحركات على طائرات TriStar وتجربتها لاول مره و نجحت نجاح باهر.

طائرة tristar بمحرك رولزرويس RB211

إقرأ أيضاً

 : ازاى تحقق ثروة من اليوتيوب . 4 اسئلة مهمة واجابتها

وبكده المحرك اللي كان سبب فى معاناة الشركة هو نفسه المحرك اللي انقذها من الضياع المحرك ده تم تطويره بعد كده بشكل مستقل و اتبني عليه خط إنتاج جديد لجيل جديد من المحركات الجبارة المعروفة بالاداء القوى و ده خلى رولزرويس هي ثاني أكبر شركة لتصنيع المحركات في العالم بعد شركه جنرال الكتريك ، وبسبب هذه الازمه رولزرويس توسعت فى صناعه كل انواع المحركات سواء كانت سفن أو غواصات وبخاصة الغواصات العامله بالطاقه النوويه فبمجرد وجود اي صفقه لمحركات غواصات تعمل بالطاقه النوويه يكون المرشح الاول لتصنيعها هى رولز رويس .