صعود رولز رويس ... العلامة البريطانية

بريطانيا اللى نعرفها النهارده كواحد من أكبر صانعى السيارات مش هي بريطانيا من 140 سنه وبتحديد سنه 1886 لما كارل بنز في المانيا عمل اول عربية ،  ساعتها مكنش مسموح في بريطانيا بتصنيع العربيات على الرغم من إن بريطانيا وقتها كانت قوه عظمي وتمتلك من الامكانيات ما يؤهلها فعليا لانها تبقى صاحبه اول و اكبر مصانع للسيارات ، السبب يرجع لوجود لوبي من شركات منافسه من مصلحتها عدم تقدم او طرح عربيات تنافس منتجاتها وكان المنتج الرئيسي ساعتها هو السكك الحديد واللوبي المسؤول عن صناعه و صيانه سكك الحديد هو اللي اثر على البرلمان البريطاني عشان يفصل قوانين مخصصة للحد من وجود مركبات على الطريق ( سيارات) ، فى الوقت اللي العربيات ظهرت فيها كفكره في النمسا سنه 1863م وبعدها لما إتبلورت الفكرة وبقت حقيقة على ايد كارل بنز فى المانيا سنه 1886 ، البرلمان البريطاني اصدر  مجموعه من اغرب التشريعات لمنع وجود اي عربيه على الطريق ، في الحقيقه انه معظم التشريعات دي كانت مضحكه جدا مثلا أنه لابد من وجود ثلاث اشخاص لقياده اي مركبه على الطريق مع إلزام واحد منهم بالنزول من العربية ويجري قدامها بعلم احمر لتنبيه الناس من مرور العربيه والقانون ده سمي بقانون ( العلم الاحمر) مع التاكيد على السيارات بعدم تجاوز سرعتها 6 كيلو متر لكل ساعه وإذا تم تجاوزها ، السياره تدفع 10 جنيه استرليني كغرامة اللي هى تقريبا النهارده 1300 جنيه استرليني.

إقرأ أيضاً : صعود بى ام دبليو

ولاكثر من 25 سنه رواد صناعه السيارات في بريطانيا حاربوا لتغيير القوانين دي بكل الطرق الممكنة في الوقت ده كانت المانيا وفرنسا وامريكا تمكنوا من صناعه سياره حقيقة بكل تفاصيلها.
في الوقت ده إتولدت شركه رولز رويس ، الشركه اللي لحد النهارده لسه موجوده الشركه اللي اساسها اثنين هم هنري رويس وتشارلز رولز.

بس خلينا الاول نعرف مين هو هنري رويس وتشارلز رولز.

إقرأ أيضاَ : الوجه القبيح للعملات الرقمية

تشارلز رولز المولود سنه 1877 ووالده البارون جون آلان رولز مالك الاراضي والسياسي البارز في حزب المحافظين البريطاني ، عائلة بريطانيه غنيه جدا تمتلك عقارات ومزارع وحقول مساحتها اكثر من 6100 فدان ، ودخل سنوي اكثر من 33 الف جنيه استرليني بما يعادل 4.5 مليون جنيه استرليني في الوقت الحالي ، اتعلم في ارقى الجامعات البريطانيه تخصص في الهندسه الميكانيكيه وأصبح محب للماكينات والالات خصوصا العربيات وقتها كانت حديث الساعه فى أوروبا ومع حبه للسرعات العاليه كل ده اعطي له الخبره اللازمه ليصبح بائع سيارات ، وبمعرفته الجيدة للعربيات وكمان كواحد من الاثرياء عارف متطلباتهم فى العربية فعرف أنه لصناعة سيارة خاصة بالأثرياء فلابد أنها تتمتع بالمتانة و الجاذبية والراحة و الرفاهية العاليه وده كان صعب يبقى موجود فى السيارات الاولى في هذا الوقت ، العربيات وقتها كان صوتها عالي جدا و تهتز بشده وكان لازم يبقى معاك سواق بيفهم في الميكانيكا لكثرة المشاكل الميكانيكية فى السيارات الاولى زي ارتفاع حراره المحرك مع امكانيه اشتعال حريق في اي وقت و رولز كان عايز عربيه انجليزيه يسهل تسويقها وبيعها مع حلم ان يصبح له سياره خاصه تحمل اسمه ، رولز كان واحد من الناس اللي اشتغلت على الغاء قوانين تقييد سير المركبات في شوارع بريطانيا وبالاخص قانون العلم الاحمر وبالفعل القوانين دي انتهت سنه 1900.

إقرأ أيضاً : حرب تايوان ... أستراليا و الصين

هنري رويس الشاب الفقير اللي هيحقق كل احلام رولز ، ازاي عمل كده وازاي اتعرف على رولز ، على العكس من رولز ،  هنري رويس اتولد سنه 1863 لعائله فقيره جدا ، اب يعاني من مشاكل ماديه و صحية اتوفي و رويس عنده 9 سنين ، بعدها رويس اضطر أنه يترك المدرسه و يبدء البحث عن وظيفه ليعيل نفسه وامه فاشتغل في تربيه الطيور و كمساعد مزارع في الحقول وبائع صحف وفى توصيل الرسائل والبرقيات ، وهو عنده 14 سنه احدى عماته كان معها فلوس فدفعت لاحد مصانع السكه الحديد لتعليمه حرفه نظير اجر سنوي هتدفعه عمته بمقدار 20 جنيه استرليني ، في الوقت ده رويس بدا يكتشف حبه للميكانيكا  ومعها بدأت تجارب لفهم العربيه ولكن كلها كانت تجارب بدائيه لم ينتج عنها شيء و مقدرش يكمل فيها لانه بعد ثلاث سنين عمته مرت بأزمة مالية و مع عدم قدرتها على دفع 20 جنيه استرليني سنويا تم تسريح رويس  من التدريب المهني ، ومع عدم وجود وظائف مهنية وجد وظيفه في مدينه ليدز بأجر زهيد جدا و بعدها وجد فرصه عمل اخر في مدينه لندن بمرتب افضل في احد شركات الكهرباء و اتنقل للعمل فيها.

سنه 1882 بدا في اخذ دروس اكثر في الهندسه الكهربائيه في الفتره المسائيه وخلالها اتعرف على صديقه ايرنست كليرماونت.

سنه 1984 رويس صنع جرس كهربي وبدأ في تسويقه ونال اعجاب الناس ومع زيادة الطلبات على الجرس عمل شركه لتصنيع وتوريد وتركيب الاجراس.

رويس مع ارنست عملوا شركه باسم Royce ltd بتمويل بسيط جدا 20 جنيه من رويس  و 50 جنيه من ارنست و بدات الشركه ب ٦ عمال وتوسعت لتشمل صناعة أجراس كهرباء مع مفاتيح كهرباء خاصية للبيوت ومع زياده الارباح رويس بدا الشغل على المحركات والمولدات و بدأ فى صناعه الاوناش للمصانع والموانئ لرفع الاحمال الثقيله ولأن منتجاته اتمتعت بجوده عاليه أصبح المعروف أنه منتجات رويس صنعت لتدوم وهو ده سر سيارات رولز رويس.
رويس قدر يكسب ثقة المستهلكين و كمان المستثمرين لدرجه انه فى  سنه 1899 اصبحت عقود التصنيع لشركه رويس قيمتها اكثر من 20000 جنيه استرليني في السنه.
وبسبب عقليه ارنست الاقتصاديه الغير معتمد على استثمار الواحد فبدء بتنويع استثماره في مجالات اخرى و بمعرفته  لهنري ادموند كرجل اعمال وصاحب اسهم في شركات ثانيه اتفقوا على تبديل بعض الاسهم مع بعض ، ومن هنا اصبحت اسهم شركه رويس مملوكة لثلاث شخصيات رئيسية :
١- هنرى رويس
٢- هنري ادموند
٣- ارنست كليرمونت
بعد جواز رويس و إمتلاكه لشقه ملحق بها ورشه صغيره بدأ في عمل تجارب من جديد لفهم السيارات ، رويس كان شايف أنه العربيات هى المستقبل ولابد من تعديل واعاده تصميم واختبار السيارات الموجوده فى الوقت ده للوصول بيها للمستقبل.
سنة 1902 اشترى سيارة فرنسية مستعملة وبدأ فى فكها لمعرفة أسرارها و عمل تعديلات عليها لتحسين أداؤها للوصول بها إلى ما يتخيله عن سيارة المستقبل اللى المفروض تتمتع بيها سواء القوة أو الجوده أو سهولة التعامل معاها.
وفى سنة 1903 وبعد انتهاء التعديلات على السيارة الفرنسية ، خرج بيها للشارع بصوت هادئ مقارنة بصوتها الاصلى ومن هنا ظهر الجيل التانى من العربيات ، سيارات silver ghost أو الشبح الفضى والسبب فى التسميه دى هو هدوئها الشديد مقارنة بالجيل اللى قبلها .

إقرأ أيضاً : هل ينهار الاقتصاد الألمانى ... الاسباب والتداعيات

ارنست و ادموند إنبهروا بسياره رويس وعليه تم تصنيع عربيتين واحده منهم لارنست والثانية لادموند.
الحقيقه رويس مخترعش حاجة جديدة بس هو عمل قفزه وتطوير هائل مقارنه بالسياره الموجوده قبل التعديل عليها لدرجه ان التعديلات اللي هو عملها كان صعب ان احد يعملها قبله.
هنري اإدموند كان صديق لرولز وعرض عليه سياره رويس اللي كانت حلم رولز القديم ، رولز شاف انها فرصه لتسويق عربيه انجليزيه لاول مره في السوق الانجليزي بالمواصفات المرغوبة من قبل اثرياء انجلترا.
وفى مانشستر في فندق ميدلاند 4 مايو 1904 اخيرا تقابل رولز و رويس بناء على توصيه من ادموند ، رولز اعجب بالسياره وزاد اعجابه بها اكثر بعد تجربتها وبالفعل تم عقد شراكه بينهم بحيث تكون السياره مصنعه من قبل رويس ويتم تسويقها حصريا لصالح رولز مع أحقية رويس في تصنيع سيارات اخرى ولكن ليست رويس .

و اسعار سياره رويس كانت:
١- سيارة 10 حصان ب 395 جنيه استرليني
٢- سيارة 15 حصان 500 جنيه استرليني
٣- سيارة 20 حصان ب 650 جنيه استرليني
٤- سيارة 30 حصان ب 890 جنيه استرليني.

إقرأ أيضاً : طرق بسيطة لادخار الأموال دون الشعور بالحرمان

ومقارنه اسعارها باسعار الشركات المنافسه وقتها فمثلا سيارة بنز 60 حصان كان سعرها 2500 جنيه استرليني ومن هنا اكتسبت سياره رويس قيمة تنافسية في الاسواق الانجليزيه نظرا لسعرها المنخفض مقابل جودتها العالية.
ومع حب الناس لعلامة رويس و إقبالهم الشديد على شراؤها و تسويق العربية عن طريق السباقات لمنافسه عربيات تانيه ، خلال سنتين ارتفعت المبيعات بدرجه شديده جدا اقنعت رولز بوقف بيع اي عربيه تانيه بجانب سيارات رويس.
سنه 1906 شراكه جديده بين رولز و رويس عشان معها علامه رولز رويس تظهر بالشكل اللى كلنا عارفين بيه العربية الجميلة رولز رويس .

رولز كان مولع بسواقه السيارات الجديده والوصول بيها لسرعات عاليه ، وفى  سنه 1906 وتحديداً فى امريكا ظهر الاخوين رايت ومعهم الطياره الاولى في العالم ، رولز راح امريكا لتسويق سياره رولز رويس فهناك قابل الاخوان رايت وأعجب جدا بالطيارة واشتري واحده وتعلم سواقتها و طار بها اكثر من 200 مره عشان يبقى هو من أوائل الطيارين الانجليز و يخش مسابقات كثير للطيران وياخذ جوائز اكثر ومع حب رولز للطائرات حاول اقناع رويس بتصنيع محركات طائرات على امل ادخال شركه رولز رويس عالم صناعه الطائرات ولكن رويس كان متخوف جدا من صناعه محركات الطائرات.

إقرأ أيضاً :بيبسى عندها أسطول حربى عسكرى

واثناء استعراض بالطائره يقع حادث لرولز يتوفى بعدها وهو عنده 33 سنه و يبقى هو اول بريطاني يتوفى فى حادث طيران ، بعد وفاه رولز إنعزل رويس ودخل فى اكتئاب حاول ساعتها البعد عن المصنع والبعد عن المدينه اللي فيها المصنع ولكن مع بدايه الحرب العالميه الاولى الحكومه البريطانيه طلبت من رويس عمل تصاميم لمحركات طائرات ومن هنا تبدأ رولز رويس الدخول في عالم صناعه المحركات الخاصه بالطائرات وتعددت بعدها لتصبح واحده من اكثر الشركات المتخصصه في صناعه المحركات بانواعها سواء كان محرك طائرات او سيارات او سفن او حتى غواصات ،  وعلى الرغم من أنه المحركات هي ما اوصل رولز رويس الى ما هي عليه الا انه احد كان اهم الاسباب التي جعلت رولز رويس تعاني في اوقات كثيره دفعتها لحافة الافلاس.

تعليقم تشجيع لينا ... نشكركم عليه

الكاتب م. محمد توفيق