أستراليا والصين ... حرب تايوان 

 

 

لا تنسى الإشتراك فى قناتنا للمعلومات الشيقة فيديوهات قصيرة  : ميون تون ❤❤

هو إيه اللى بيحصل فى جنوب شرق آسيا....
خبراء كتير أمنيين و عسكريين حالين وسابقين بيأكدوا أنه المنطقة دى فى العالم بتتجهز لحدث كبير جدا ، الحدث ده هو الحرب اللى هطيح بالمنطقة كلها ، والدلائل على كده كتير ، خد عندك مثلا الهند بتخطط لشراء ٣٥٠ طيارة عسكرية فى السنين الجاية ، تايوان أقرت ميزانية عسكرية للسنة الجاية  مقدارها ١٧ مليار دولار ، وزراة الدفاع اليابانية رفعت طلب للحكومة برفع ميزانية الانفاق العسكرى اليابانى ٤٩ مليار دولار ، اندونيسيا زودت إنفاقها العسكرى بنسبة ٢٠٪ لسنة ٢٠٢٠ ، و ١٦٪ لسنة ٢٠٢١ لشراء مقاتلات وسفن و غواصات.

إقرأ أيضاً :انهيار الاقتصاد الألمانى ... انهيار وشيك

السؤال هنا بقى ، ايه الجديد ؟ وايه سبب الرعب ده ؟ الحقيقة أنه الاجاية هى الصين و الخوف من تهور الصين إذا حاولت تحتل تايوان .
الصين بقالها اكتر من ٢٥ سنة بتبنى ترسانة عسكرية ضخمة وحديثة بمعايير جبارة لا يمكن الاستهانة بها ، لو انتا لاحظت أنه كل الدول المرعوبه واللى رصدت ميزانيات ضخمة لتأمين احتياجاتها العسكرية دول اسيويه وبالاخص دول شرق آسيوية ، وكل ده منطقى لقربهم الشديد من منطقة الصراع ، الغريب بقى هو استراليا ، الدوله البعيده نسبياً عن منطقة الصراع( مربع الرعب الشرق آسيوى)  ومش بس كده انما كمان مرتبطة بعلاقات حميمية مع الصين بعكس كل جيران الصين ، استراليا رصدت فلوس لتطوير ترسانتها العسكرية  اكتر بكتير من اى دوله فى مربع الرعب  الاسيوى ، باكتر من ٢٧٠ مليار دولار كميزانيه لوزارة الدفاع فى السنين الجايه ، و زودت عليهم كمان غواصات نووية أمريكية بديلة عن الفرنسية بمحركات الديزل والكهرباء ؟

إقرأ أيضاً : طرق بسيطة لادخار الأموال دون الشعور بالحرمان

السؤال هنا بقى الخوف ده خصوصا من استراليا ، ليه ؟ طب وانتى مالك بمربع الرعب ده ؟ وانتى اصلا بعيده عنه و يفصلك عنهم المحيط الهندى ؟
عشان تعرف القصة ، يبقى لازم تعرف الحكايه القديمة ، اللى بدايتها مع نهاية الحرب العالمية الثانية ، دولتين بقى اسمهم الصين وسكانهم من نفس العرق الصينى :
الاولى جمهورية الصين الشعبية المعروفة باسم الصين، التانية جمهورية الصين المعروفة باسم تايوان.
كل دوله كان ليها مسارها ، لانه بعد ٧٠ سنة من الحرب ، تايوان بقت دولة ديمقراطية حديثة متقدمة ( خصوصا فى تصنيع الشرائح الالكترونيه) وبالتالى ليها تأثير قوى جداً على العالم الغربى و على الناحية التانية الصين الشيوعية اللى احنا عارفينها دلوقتى صاحبة تانى اقوى اقتصاد فى العالم .

إقرأ أيضاً : اسعار 2022 .... أزمة بعد كورونا

الصين بتقول أنه طالما الدولتين فيهم نفس الشعب ( الصينين ) يبقى لازم يبقوا  دوله واحده مش دولتين اللى هيا الصين وده كان حلم كل الرؤساء الصينين من بعد الحرب العالمية الثانية لحد ما وصلنا للرئيس الصينى دلوقتى چينج بينج xj jiping اللى قالها بصريح العبارة كده أن تايوان حته من الصين وتعهد بضمها حتى لو اضطر إلى استخدم القوة العسكرية ، على الناحية التانية مكتب الرئاسة التايواني بيقول أنه الرأى العام فى تايوان واضح وصريح ورافض فكرة التوحيد اللى الصين طرحتها .
التوترات بين الجانبين أثارت مخاوف أمنية وعسكرية كبيرة فى المنطقة وده اللى قاله القائد الأعلى للقوات الامريكية فى منطقة المحيطين الهادى و الهندى الأدميرال ADM Philip S. Davidson مع تصريح أنه الحرب هتكون أمر واقع خلال ٦- ٨ سنين وبالتحديد قبل ٢٠٣٠.

إقرأ أيضاً : كيف تضيع اموالك بسذاجة على اشياء غير مهمة ؟ازاى تصيع على اللى بيصيعوا عليك ؟

السؤال بقى ليه ٢٠٣٠ بالتحديد وليه مش بعدها ؟

الاول لازم تعرف أنه ٥١٪ من التايوانين متأكدين من مهاجمة الصين أراضيهم . ٤٠٪ منهم بيقولوا أنه الهجوم هيكون قريب جدا .
الغريب بقى أنه ٤٢ ٪ من الاستراليين بيقولوا نفس الكلام ، ٦٠٪ منهم بيقولوا أنه الحرب على تايوان هتكون قريبه جدا.

تعالى بقى نحكى ايه اللى حصل بين استراليا والصين فى السنين اللى فاتت واللى علاقتهم لحد وقت قريب كانت سمن على عسل لحد ٢٠١٤ ، بس المؤكد أنه بعدها العلاقات انهارت بشكل دراماتيكي عشان يخلينا نسأل ، ليه ؟

الحكايه بدأت مع صعود الصين القوى فى بداية الالفيه ، لما الصين ساعتها حاولت التودد لأستراليا بكل الطرق واللى هى فعلا نجحت بشكل كبير فى تحقيقه لدرجة خلت أستراليا تفكر فى تدريس لغة المندرين ( أكثر اللغات انتشارا فى الصين بيتكلمها ٩٠٠ مليون صينى ) فى المدارس الأسترالية.

إقرأ أيضاً : كذبة الجمعة البيضاء ,تخفيضات قال !!

استراليا اعتقدت انها على اعتاب صداقه جميله مع الصين لدرجه انها فجاه فتحت اقتصادها للصينيين , اكبر شريك تجاري للاستراليين هم الصينيين ، استراليا تستورد من الصين ٦١ مليار دولار وبتصدر للصين  ١٥٩ مليار دولار يعني الميزان التجاري لصالح استراليا وكمان في سابقة تعبر عن مدى جمال العلاقه بين البلدين ، استراليا دعت الرئيس الصيني لإلقاء خطاب في البرلمان الاسترالي فى نوفمبر 2014 وخلالها اشاد بالابتكار العلمى والنفوذ الاسترالي في العالم ، وكانت العلاقات ممتازه مع تبادل ثقافي وعلمي اللي كان عنصر مهم جدا للاقتصادي الاسترالي وقتها يعني الطلاب الصينيين الدارسين في استراليا بيدخلوا للاقتصاد الاسترالي تقريبا ١٢ مليار دولار استرالي سنويا ،  بس العلاقات الجميله بدات فى الانهيار التدريجي بعد سنه ٢٠١٤ ولكن بدايه الازمه بين البلدين  بدأت مع الحرب التجاريه بين امريكا والصين ، استراليا وقتها اخذت جانب امريكا بشكل صريح و فوري وده زعل الصين قوي بعد بناء علاقه ممتازه لمده ٢٠ سنه ومنها مثلا حظر استراليه لشركه هواوي من بناء شبكه الجيل الخامس وبدأت استراليا تتحدث عن مخاوف أمنية تجاه الشركات الصينيه ، حتى انه أستراليا تصدرت الدول المشككة في نوايا الصين ، في ٢٠١٨ وبسبب خوف الحكومه الاستراليه من تنامي النفوذ الصيني في استراليا ، اعلنت أستراليا عن بعض القواعد الاكثر صرامة لتطبيقها على المستثمرين الاجانب للاراضي الزراعيه ، وأصبح هناك خوف من الصين في الحياه العامة الاستراليه  خاصةً بعد اكتشاف أستراليا لشبكات مملوكة للصين بتدفع أموال طائلهة لأحزاب سياسية بعينها ، وفي مارس ٢٠٢٠ استراليا صاغت قواعد جديدة يتم تطبيقها على عمليات الاستحواذ الاجنبية على شركات الاسترالية وده مع انهيار شركات كثير مع بداية ازمة كورونا ، ومع قراءة أستراليا للمشهد الاقتصادي من وجوب وجود الكثير من عمليات الاستحواذ ، كل القواعد تم صياغتها لمنع وقوع الشركات الاسترالية في يد الصين ،  المشكلة الاكبر بقى هي وجود شركات حساسة جدا جدا جدا ما ينفعش انها تقع في يد دولة اجنبيه فمثلا شركه lynas world الشركه المسؤولة عن ابحاث العناصر النادرة مثل عناصر الليثيوم وغيرها وهي العناصر المسببة لقوة دول بعينها.

إقرأ أيضاً : صعود بى ام دبليو

وفعلا حاولت الصين الاستحواذ على الشركه ولكنها فشلت بسبب القواعد الجديدة ، و في مايو ٢٠٢٠ أتأكد انهيار العلاقه بين البلدين بالخصوص بعد دعوة استراليا لاجراء تحقيق عالمي للبحث وراء الاسباب الحقيقيه لتفشي وباء كورونا خاصة بعد الشائعات اللى تلكمت عن تسربه من  معامل بحثية موجودة في مدينه ووهان الصينيه ، وهو ما نفته الصين و بشدة ، بعد استنذافها للصبر على أفعال أستراليا ،  الصين بدأت ترد الضربات الموجهه لها فمثلاً في ١٩ مايو ٢٠٢٠  الصين تفرض تعريفات جمركيه جديدة بقيمة ٨٠ ٪ على واردات الشعير من استراليا مع العلم أنه ٧٠ ٪ من محصول الشعير الاسترالي يباع في الصين ,  وفى  مايو ٢٠٢٠ حذرت الحكومة الصينية استراليا من تدخل فى توترات الحرب التجاريه وتدعوها لعدم مساندة امريكا على حساب الصين متوعدة استراليا بان اي دعم تقدمه استراليا لامريكا هيواجه بضربه قاتلة للإقتصاد الأسترالي ، وفى يونيو ٢٠٢٠ الصين حذرت الطلاب الصينيين من الدراسة في استراليا مشيرهة الى زيادة التمييز العنصري والعنف ضد الشعب الصيني الموجود في استراليا في ضربة كلفت أستراليا ١٢ مليار دولار استرالي سنوياً ،  بعدها الصين منعت ١,٢ مليون سائح صيني من الذهاب الى أستراليا في ضربه قويه موجه للاقتصاد والسيادة الاسترالية بتكلفة قيمتها ٨,٥ مليار دولار ، و فى نوفمبر ٢٠٢٠ الصين فرضت تعريفه جمركيه جديدة على الخمور الاسترالية بقيمه ٢١٢ ٪ ، و في ديسمبر ٢٠٢٠ الصين منعت كل واردات الفحم من أستراليا ، كل دا ادى الى إنخفاض الإستثمار الصيني في أستراليا بقيمه ٦١ ٪ ، كبار مسؤولي البنتاغون الامريكي أكدوا انه الحرب الاقتصاديه بين الصين واستراليا هيتبعها حرب عسكرية خصوصاً وان العلاقات بين امريكا واستراليا هى علاقة قويه بشكل غريب فمثلا امريكا و منذ حروبها الاولى في عام ١٩١٢ وحتى الان أستراليا كانت هى شريكها الاول والدائم لوجود معاهدات بين البلدين ، و في حالة دفاع أمريكا عن تايوان عسكرياً في حال مهاجمه الصين لتايوان ، امريكا هتعتمد بشكل كبير جدا على حليفها الدائم في المنطقة أستراليا والحقيقة الحرب هتكون فعلياً بين أستراليا والصين.

إقرأ أيضاً : روسيا و أوكرانيا ... حرب عالمية

السؤال بقى ليه كبار رجال البنتاجون شايفين الحرب دي هتقوم قبل ٢٠٣٠ وبعضهم بيقول انها هتقوم قبل المعاد ده ٦ سنين ، ليه ٥ او ٦ سنين ؟ 

ده لان معظم القطع البحريه الامريكية فى منطقة شرق آسيا هترجع امريكا  بغرض عمليات التحليل والتجديد لأن معظمها مستخدم منذ الحرب الباردة في الستينيات والسبعينيات ، عمليات الإحلال والتجديد بتاخد في المتوسط من ٥ الى ٦ سنين و الفترة دى وصفها الخبير العسكري الامريكي توماس شوجرت بانها الاضعف والأخطر على منطقه تايوان ، مع العلم انه هناك قطع و اسلحه جديدة متعاقد عليها للدخول في الخدمه بحلول ٢٠٣٠ ، فمثلاً أستراليا هتستلم الغواصات النوويه في ٢٠٣٠ ,  فى الفترة من  ٢٠٢٠ الى ٢٠٣٠ كل دول المنطقه هتبدء فى بناء أسطولها وتحديثه بقوه على عكس الصين اللي بدأت من ٢٥ سنة ، و نظريا الصين هى الأخطر عسكرياً والاكثر جاهزية وفاعلية في المنطقه في الوقت ده ، هناك اسباب اقتصادية وهي تراجع أداء الاقتصاد الصيني وتوقع بطء أداؤه بداية من عام ٢٠٣٠،  مع العلم ان اداء الاقتصاد الصيني من ٢٠٠٧ إلى ٢٠١٩ انخفاض أداؤه للنصف مقارنه بالفتره بين عام ٢٠٠٠ إلى ٢٠٠٧ ، الأداء الاقتصادي كان ١٤ ٪ في ٢٠٠٧ وأصبح ٦ ٪ في ٢٠١٩ ، مع انخفاض معدل الانتاجيه ١٠ ٪ ،  إجمالي ديون الصين ارتفعت ٨ اضعاف من ٢٠٠٨ ل ٢٠١٩ وتجاوز ٣٠٠ ٪ من إجمالي الناتج المحلي كل ده قبل أزمة كورونا.

إقرأ أيضاً : مؤشر احمر الشفاه ودلالات الركود الاقتصادى

ومع زياده الشيخوخه في الصين وفقدها لاكثر من ٧٠ مليون بالغ قادر على العمل من ٢٠٢٠ إلى ٢٠٣٥ ولاكثر من 200 مليون بالغ قادر على العمل بين  ٢٠٢٠ و ٢٠٥٠ بالإضافة إلي ١٣٠ مليون مسن محتاج رعاية صحية كل ده هيمثل عبء اقتصادي كبير على الاقتصاد الصيني.

كل ده يجبر الصين علي سرعة اتخاذها الاجراءات اللازمة لضم تايوان ، ده اللى دفع الدكتور Patrick cronin الخبير فى  معهد هادسون للدراسات الأمنية و العلاقات الدولية أنه يقول لو كنت في مقعد الصين فإن أول ما يجب على الصين فعله في حاله مهاجمة تايوان هو هزيمة أستراليا بأي طريقة ومهما تكلف من تهديدات وعقوبات وتخويف وحرب اقتصاديه لحسم معركة تايوان سريعاً وبقوة و نصر ودا دفع الاستراليين لتأكيد مخاوفهم من اندلاع حرب تايوان.

إقرأ أيضاً :سلاح الصين الذى أرعب أمريكا

فى رأيك هل تندلع حرب تايوان خلال ٦ سنوات وهل الصين قادره على ضم تايوان ؟ وهل استراليا قادره على هزيمة الصين ؟