سلاح الصين الذى أرعب أمريكا
سلاح الصين الذى أرعب أمريكا
.jpeg "سلاح الصين الذى أرعب أمريكا")
في نعمة كبيرة الناس مش واخدة بالها من وجودها اصلاً بس في أجيال وأجيال من البشر عاشوا من غيرها ، النعمه اللي كانت سبب كبير فى اللى وصلتله البشرية في القرن اللي فات ، النعمة دي هي الكهرباء اللي تقريبا حياتنا كلها قائمة عليها ، ولو قطعت شوية بنبقي عاملين زي المجانين ، صحيح لو قطعت بيبقى إحساس رخم بس بنستحمل واحنا متأكدين انها هترجع ثاني بس تخيل للحظة إن الكهرباء قطعت ومجتش ثاني ، إختفت الكهرباء تماما من بيتك و مدينتك وبلدك كلها ، تخيل كمان موبايلك يفصل مرة واحدة رغم أنه فيه شحن و عربيتك تيجى تشغلها ما تشتغلش وأي جهاز مش عايز يشتغل لا كمبيوتر ولا تليفون ولا أي وسيله اتصال ولا اي وسيله نقل حديث ، كله تعطل فجأة ، تطلع بره بيتك تلاقي جارك واقف زيك في حاله ذهول والناس كلها موجودة في الشوارع في حالة من الصدمة والخوف ، وتلاقى ناس بتجري على المتاجر وتاخد كل اللي فيها وكل اللي تقدر تشيله وفي حالة كبيرة من الفوضى منتشرة ، اللي بيعرف ياخذ حاجه بيأخذها ويجري ، سيناريو مرعب ومخيف وهو كابوس إتعمل منه أفلام ومسلسلات ونجحت بشكل كبير.
إقرأ أيضاً
: حرب أمريكا والصين ,,, حرب تايوان
طب إيه علاقة ده بعنوان المقال ، تعال وانا أقولك ، الكلام بيبدأ لما مجموعة من العلماء الصينيين أعلنوا في أحد الصحف الصينية عن سلاح الصين الجديد ، السلاح اللي قادر على إنهاء عصر الكهرباء في بلد كامل وشل حركتها تماماً .
سلاح الصين الجديد ايه هو ؟ و بيعمل ايه؟ وايه خطورته ؟ طب أمريكا فين من الكلام ده وهل الأمريكان غلابه كده ؟ ولا الكلام ده بالنسبةاللأمريكان بلح ما لوش لأزمة ؟ وهم عندهم سلاح اقوى من ده بكثير ، هي دي الحكايه بتاعه المقال ....
أولا ايه هو السلاح ..... الخبر بيبدأ يوم 26/ 9/ 2021 لما صحيفه south china morning post عملت تقرير عن بعض العلماء الصينيين اللي بيقولوا إنهم أصبحوا الآن على أعتاب إنتاج صاروخ قادر على توليد نبضة كهرومغناطيسية. وهنا لازم نعرف ايه هي النبضه دي وإيه خطورتها ؟
السؤال بقى كل ده من الصين وسلاحها ، طب أمريكا فين من التطور ده ، الحقيقة انه الأمريكان كانوا اول الناس اللي اكتشفوا النوع ده من الأسلحة ، سنه 1962 لما كانوا بيعملوا إختبار بالقنابل النووية في عمليه اسمها Star fish على أحد الجزر المملوكة لأمريكا في المحيط الهادي و بينها وبين ولاية هاواي المأهولة بالسكان 1300 كم ، مفروض إن التفجير على ارتفاع 400 كم من سطح الجزيرة بقنبلة 100 ضعف قنبلة هيروشيما ، وبمجرد حدوث الإنفجار سكان هاواي لاحظوا إنه مئات من مصابيح الشوارع إنطفئت مرة واحدة ، والكهرباء فصلت فى بعض المناطق ، و إنقطعت شبكات التليفون الارضي والراديو ، و اجهزه إنذار السيارات اشتغلت مرة واحدة ، الحقيقة انه مش بس الجزيرة دي هي اللى تأثرت بالنبضات دى ، ده كمان الاقمار الصناعية واللى تدمر منهم 6 بالكامل ، ساعتها بس أمريكا عرفت تأثير النوع ده من النبضات ، معتقدين إنهم الوحيدين المطلعين على النوع ده من النبضات .
إقرأ أيضاً
: ازاى تبقى مستهلك صايع
إلا إن السوفيت بعدها بسنه عرفوا تأثير النبضات الكهرومغناطيسية أثناء إختبارات نووية اتعملت في كازاخستان في مشروع اسمه k - project , فهل ده معناه إن السلاح الصيني هو سلاح نووي وهيتم إستغلال انفجاره لتوليد نبضة كهرومغناطيسية ؟
الكلام ده غير صحيح لأن الجديد بقى إن دول كبيرة شغالة على تطوير سلاح جديد مش نووي ، ولكن قوى لإحداث تفجير يولد نبضة كهرومغناطيسيه قوية بدون تأثيرات كيماوية أو نووية ، السلاح الجديد ده مش بنفس القوة التدميرية للسلاح النووي لكن هو سلاح لا يمكن تجاهله أبداً ، وخاصةً إذا تم إختيار المكان المناسب للإنفجار ، فكأنك ضربت بسلاح نووي أو أكثر بسبب تأثيره الجبار والمخيف ، وده كلام العلماء الصينيين في التقرير المعّنون ب ( سلاح قادر على تدمير شبكة الكهرباء لدولة بأكملها ) ، سرعه الصاروخ هتبقى 6 أضعاف سرعة الصوت بمعنى إنه قادر على الإفلات من أي إعتراض ، و مع العلم إن الصاروخ هيطير على مستويات منخفضة نوعاً ما في الغلاف الجوي فأجهزة الإنذار المبكر في الفضاء مش هتقدر ترصده بسهولة ، و مع استخدام تقنيات جديدة للتخفى من الرادارات الأرضية ، فسرعة إستجابة الدولة المستهدفة بالنبضة هتكون منعدمة تقريباً.
الأمريكان سنه 2017 فكروا فى إستخدام صاروخ كروز لحمل قنبلة كهرومغناطيسية لضرب كوريا الشمالية لتعطيل أسلحتها النووية ، ولكن خوفاً من إكتشاف كوريا للصاروخ و تدميره ، واللى ساعتها هتكون النتيجة هى توريط أمريكا فى حرب نووية مع كوريا الشمالية فتم إلغاء المشروع كله .
الحقيقه إن النبضات الكهرومغناطيسية مش نتيجة حصرية للقنابل إنما لها مصادر كثير لا دخل للبشر فيها مثلا زى ضربات الصعق و البرق الشديد و التوهجات الشمسية التى تعد هي الأخطر و الأكثر تهديداً لكوكب الأرض ، فقدرات الشمس التدميرية تتخطى قدرات الأسلحة النووية بملايين المرات وهو ما تم رصده خلال دراسة الفضاء .
إقرأ أيضاً
: هل تنهار القوى الاوروبية الاقتصادية ؟
معنى كده إن الصين هي القوى الاولى وامريكا بقت ضعيفة ؟ الحيقيقة إن أمريكا مش ضعيفه لأن حتى لو الصين و روسيا يطوروا أسلحة أسرع من الصوت ، فالأمريكان متصدرين في تقنيات عسكرية جديدة ومهمة جداً زي أسلحة الليزر الموجهة اللى بالفعل أمريكا جربتها من سنه تقريبا ، الليزر له نفس سرعة الضوء و ده بيخليه سلاح اخطر من الأسلحة اللى سرعتها محدودة مقارنةً بالليزر حتى لو كانت سرعتها أضعاف سرعة الصوت .
إقرأ أيضاً
: لو هتعمل قناة يوتيوب ,,,, 4 حاجات لازم تعرفها
فى التجربة الأمريكية تم استهداف سيارات و سفن و بكل هدوء تم تفجيرها بشعاع من سلاح الليزر ، الحقيقة إن القدرات المعلنة لهذه الدول لا تقارن بما يتم إخفاؤه عن العالم ، فنحن لا نعلم أي شيء عن قدرات الصين أو أمريكا الحقيقية الإ ما يتم التصريح به ، الحقيقة إن إحتمالية ضرب الصين لأمريكا بالسلاح ده او العكس إحتمالية بعيدة جداً جداً ، السبب الأول هو الاقتصاد ، فالدولتين متشابكين إقتصادياً ، و غرق أي دولة منهم عسكرياً معناه إنهيار إقتصادى كبير على الجهة الأخرى ، فكل شركات العالم ستنهار من ورائهم ، فالشركات الامريكية تحتاج السوق الصينى والشركات الصينية تحتاج أسواق المال والبورصات الأمريكية ، فمعظم الشركات الصينية قامت بالأساس على إستثمارات أجنبية أهمها الإستثمارات من البورصة الأمريكية .
مقال رائع .. استمر ❤️
ردحذف