فى ظل الأزمات الإقتصادية .. ٧ نصائح للحفاظ على قيمة أموالك

م . محمد توفيق -

فى ظل الأزمات الإقتصادية .. ٧ نصائح للحفاظ على قيمة أموالك


فى ظل الأزمات الإقتصادية .. ٧ نصائح للحفاظ على قيمة أموالك

بعد ما إرتفعت أسعار الفائدة في البنوك العربية بعد قرار البنك الفيدرالي الأمريكي برفع الفائده 0.25%، حابب أقدم ٧ نصائح للمواطن العربي للنجاة من إرتفاع الأسعار فى محاولة لحفظ فلوسه ، السؤال اللي هنحاول نجاوب عليه نعمل إيه بعد ما إرتفعت معدلات التضخم و زادت معاها الأسعار بشكل جنوني خاصةً بعد حرب أوكرانيا و سياسة النقد الامريكي و إرتفاع سعر البترول عالمياً ، في الأول لازم نبقى عارفين إن كل النصائح مرتبطة ببعض ، ففهمك لكل نصيحة هيسهل فهم النصيحة اللي بعدها وبالتالي التطبيق هيبقى اسهل وأسهل .


فى ظل الأزمات الإقتصادية .. ٧ نصائح للحفاظ على قيمة أموالك

إقرأ أيضاً : هل تنجذب النساء للرجال ؟ لماذا ؟

١- لا تشتري السلع الكمالية أو الفاخرة : الشخص العقلاني هو اللي بيصرف فلوسه طبقا للعقل أو المنطق و بالتالي عند إتخاذ قرار مالي لازم يكون في صالحنا ، بس علماء الإقتصاد السلوكي إكتشفوا إن نسبة كبيرة من الناس بعيدة كل البعد عن العقلانيةو بالأخص مع السلع الكمالية او الفاخرة ، كل ده ده بيدفع أصحابها لوضع مالى لا يحسدوا عليه فمثلاً بدل شراء هاتف ذكي يقوم بكل المهام المطلوبة منه بسعر مناسب ، نلافى أن فيه ناس بتختار شراء هواتف من علامات فاخرة لمجرد حمل إسم علامة تجارية معينة ، على الرغم من قيامه بنفس مهام الهاتف أبو سعر مناسب ، وبالتالي العيب مش في السلعة بس في المستهلك اللي عنده عقدة ثقة في النفس فبيحاول يعوضها بشراء السلع الغالية رغم عدم حاجته لها أو عدم قدرته على دفع ثمنها .

الملخص بقى ما ينفعش تقيس نفسك أو قيمتك الذاتية أو نجاحها بالمبالغة في إستهلاك كماليات و إلا النتيجة هتكون تقصير في الواجب شرائه و إرتفاع كامل ديونك وعدم قدرتك على سدادها 

وهنا بقى نقول النصيحة " بعد كل هوجة إرتفاع أسعار ، أسعار الكماليات بترفع بشكل مبالغ فيه نظراً لجشع التجار ورغبتهم فى استغلالك فالواجب عليك إنتظار الموجة لما تهدى وترجع أسعار  السلع دى لمستوياتها الطبيعية وبعدها إشترى براحتك " .


التقسيط شراء

إقرأ أيضاً : أوكرانيا ... ساحة حرب روسية امريكية

٢- لا تنجرف وراء عروض التقسيط : ظهرت شركات كثير في العالم العربي بتعمل بمبدأ اشتري الأن و إدفع بعدين وبالتالي نموذج عملها قائم على التقسيط سواء التقسيط بفائدة أو بسعر الكاش ، الشركات دي تزدهر أوقات الأزمات الإقتصادية نظر لظروف الناس المادية المتدهورة ، فالشركات بتدخل تستغل الوضع ده ، فيه مشكلتين في الشراء بالتقسيط كفيلة تخليك تبعد عنهم تماماً

أ - عروض التقسيط تدفع الناس لظاهرة إقتصادية معروفة باسم الشراء الإندفاعى ، المقصود بيه شراء بدون تخطيط و غالباً لسلع أنت مش محتاجها ،  مثلا معك 10,000 جنية و عايز تشتري كماليات فأخرك تشتري بيهم ساعة غالية كاش ، إنما لو لجأت للتقسيط فيمكن تدفعهم كعربون لساعة و موبايل وكمان نظارة أو حتى لاب توب ،  تيجي مواعيد الدفعات الثانية ساعتها هتكون الفأس وقعت في الراس .

ب - إحتمالية التعثر فى السداد واردة جداً في ظل ظروفك المادية ، وده اللي ممكن يخليك تدفع غرامات تأخير انت فى غنى عنها من الأصل ، ويزيد معاها السعر النهائي للسلعة ، و في حاله عدم قدرتك على السداد ممكن ينتهي بك الحال في السجن ، طبقاً للدراسات 40 % من متلقي خدمات التقسيط بيتخلفوا عن دفع  قسط واحد على الأقل مما يدفعهم  لدفع غرامات تأخير كانوا في غنى عنها ، كل ده بيتم في حالة نفسية سيئة تدفع صاحبها لمزيد من المزاج السيء .

نصيحتي لك " اللي معاك ثمنه كاش أشتريه واللي ممعكش ما يلزمكش " .

تعليم الذات

إقرأ أيضاً : جريمة قتل .. نهاية الفراعنة

٣- إرفع قيمتك وزود وزنك : 

 دائما حاول تضيف لنفسك ، تعلم شيء جديد كل فترة ، زود خبرتك في مجالك طارد حلمك عشان تبقى نسخة أفضل منك ، ومع تعلمك حاجة جديدة هتزيد معرفتك وبالتالي هتزيد قيمة إستخدامك سواء كنت طبيب أو مهندس أو حتى سباك أو نجار ، خطط لوقتك بنجاح .

نصيحتي لك " أنت ما أنت عليه بالإضافة لكل الوقت اللي هتستغله للإضافه لنفسك " .

اتبع شغفك

لا تنسى الإشتراك فى ميون تون : قناة يوتيوب معلومات شيقة فيديوهات قصيرة

٤-  لا تترك عملك لتحقيق شغفك :

مينفعش تسيب شغلك لمجرد وجود شغف أو مجال بتحبه ، بدون تخطيط ومعرفة كيفية تحويل شغفك لفلوس تكفي لحياة كريمة لك و لأسرتك ، و مع التخطيط والمعرفة هتيجى الفاعلية بإستثمار وقتك لترعي شغفك عشان يكبر ويبقى محتاج كامل وقتك ، إذا كان شغلك ينتهي الساعة 4:00 عصراً فقدامك لحد الساعة 10:00 مساءاً تبني لنفسك مجال بتحبه ولو ما عندكش الوقت ده يبقى متقدمش إستقالتك و أنت ملكش دخل ثاني مضمون إلا لو كنت   رايح شغل ثاني أفضل .

نصيحتي لك " ما تسيبش شغلك إلا لما يكون مشروعك نجح فعلاً وبدأ يعود عليك بالنفع المادي الكبير اللي يقدر يصرف عليك وعلى أسرتك و مشروعك بقى له قدم وسط المنافسين و مشروعك محتاج كل وقتك " .

كن جبان فى الأعمال


إقرأ أيضاً : كذبة الجمعة البيضاء .. قال تخفيضات قال !!

٥ - كن جبان في الأعمال :

من الآخر لو معاك فلوس وعايز تستثمرها ، فلازم تعرف تفاصيل الإستثمار ده وإزاى تحقق العائد منه  ، بالقراءة والفيديوهات والمقالات وما تديش فلوسك لحد عشان يشغلها لك حتى لو هامش الربح 50 % لان غالباً هتكون نصباية عليك .

نصائح عن الذهب


٦ - فيما يخص الذهب :

فى 16 مارس 2022 أسعاره كانت 1915 دولار للأوقية ، إرتفعت بعد إجتماع الفيدرالى الأمريكي يوم 17 مارس عشان تبقى 1950 ، و فى 22 مارس إنخفض سعره ل 1925 دولار مع إرتفاع سعر الفائدة الضئيل ، فده محركش أسعار بالشكل المتوقع ، السؤال بقى هو ليه أسعار الذهب إرتفعت في مصر بعد تخفيض قيمة الجنية ؟  ده الطبيعي نظراً لظروف العملة زيه زى السلع اللى مرتبطة بالاسعار العالمية ، السؤال بقى نشترى دهب ولا لاء ؟ فى رأى الشخصى ، الصبر لحد ما يوصل سعره لمستوى 1950 دولار للأوقية و بعدها تقدر تشتري و المرجح أنه هيوصل للسعر ده على نهاية ديسمبر 2022 .

الصحة هى الاهم

إقرأ أيضاً : حرب الصين المرعب ... قنبلة جديدة مرعبة

٧- الصحة هي الثروة الأهم  :

أهم و أغلى اصل للإنسان ربنا أعطاها لك ، فألتزم بصحتك وراقب مواعيد نومك و متعرضش نفسك لضغط نفسي أو عصبى و تساهل مع نفسك و ألتزم الرياضة وراقب الله تكن سعيداً نفسياً ، ينعكس كل ده على جسمك وصحتك البدنية والنفسية فلا شيء يساوي الصحة .



تعليقات

إرسال تعليق